Bu ilin sentyabrında Avrozonada illik inflyasiya avqust ayı ilə müqayisədə 0,9 faiz bəndi artaraq 10 %-ə yüksəlib.

Eləcə də bax: Almaniyada inflyasiya avro dövründə ilk dəfə ikirəqəmli səviyyəyə - ÇATIB

FED.az xəbər verir ki, bölgədə inflyasiya ilk dəfə ikirəqəmli həddə çatıb.

Sentyabrda Avrozonada əsas komponentlər arasında ən yüksək illik inflyasiya 40,8 %-lə enerjidə qeydə alınıb. Enerjini 11,8 %-lə qida, spirt və tütün məmulatları, 5,6 %-lə qeyri-enerji sənayesi məhsulları və 4,3 %-lə xidmətlər sektoru izləyib.

Sentyabrda Avrozona ölkələri arasında ən yüksək inflyasiya Yunanıstanda 12,1 %, Belçikada 12 %, Avstriya və Sloveniyada 11 %, Almaniyada 10,9 %, İtaliyada 9,5 %, İspaniyada 9,3 % olub.

Beləliklə, Avrozonada avqust ayında inflyasiya "Eurostat" tərəfindən məlumatların toplandığı son 25 ildən bəri ölçülən ən yüksək səviyyəyə çatıb. (Report)