2021-ci ildə Azərbaycana təxminən $15 milyonluq siqaret idxal edilib.
Eləcə də bax: Azərbaycan siqaret ixracına - BAŞLADI
FED.az xəbər verir ki, 2021-ci ildə Azərbaycana $14 milyon 729,71 min dəyərində siqaret idxal edilib ki, bu da 2020-ci ilin göstəricisindən 41,8% azdır.
Hesabat dövründə Azərbaycana siqaretin əsas tədarükçüsü Ukrayna olub. Bu ölkədən $12 milyon 93,58 min dəyərində (azalma 45,4% - İF) siqaret idxal olunub. Bütövlükdə, Azərbaycana siqaret idxalının 82,1%-i Ukraynanın payına düşüb.
Bundan başqa, 2021-ci ildə Rusiyadan Azərbaycana $2 milyon 541,54 min dəyərində (azalma 19,1%) siqaret idxal edilib.
2020-ci ildə Azərbaycana $25 milyon 308,84 min dəyərində siqaret idxal olunub ki, bu da 2019-cu ilin göstəricisindən 2,8 dəfə azdır. (İnterfaks-Azərbaycan)
