İnşaat və əmlak

Güzəştli ipoteka kreditlərindən hansı müəllimlər - FAYDALANA BİLƏCƏK?

Güzəştli ipoteka kreditlərindən hansı müəllimlər - FAYDALANA BİLƏCƏK? | FED.az
09:18 9 May 2020

Təhsil nazirinin müşaviri Elnur Məmmədov İpoteka və Kredit Zəmanət Fondunun vəsaiti hesabına ipoteka kreditinin, o cümlədən, güzəştli ipoteka kreditinin verilməsi Qaydası”nda edilmiş dəyişiklik münasibətilə müəllimləri təbrik edib.

Eləcə də bax: Şəhid ailələri və müharibə əlilləri üçün - ”NOVOSTROYKA”LARDAN 700 EV ALINIB

FED.az “qafqazinfo”ya istinadən xəbər verir ki, o, 3 müsbət dəyişiklik baş verdiyini xatırlayıb:

“1. Gənc ailənin üzvü olan müəllimlər (gənc ailə dedikdə yaşı 35-dən çox olmayan şəxslərin nikaha daxil olmasından yaranan ailə, habelə himayəsində azı bir uşağı olan və yaşı 35-dən çox olmayan tək valideyn nəzərdə tutulur) üçün: - Yeni redaksiyada "dövlət ümumi təhsil müəssisəsində müəllim işləyən şəxs" qeyd edilir. Başqa sözlə, yalnız dövlət ümumtəhsil məktəbində deyil, o cümlədən, lisey, gimnaziya, internat məktəbləri, xüsusi məktəblər və s.-də çalışan müəllimlər də güzəştli ipoteka kreditlərindən yararlana biləcəklər. - Yeni redaksiyada "ən azı 5 il" deyil, "ən azı 3 il" iş stajı tələb olunur. Yəni, tələb olunan iş stajı müddəti də azaldılıb.

2. Dövlət ümumi təhsil müəssisəsində ən azı 15 il müəllim işləyən şəxslər də bu güzəştli ipoteka kreditlərindən yararlana biləcəklər. Əvvəllər, bu kateqoriya ümumiyyətlə nəzərdə tutulmayıb.

Hazırda İpoteka və Kredit Zəmanət Fondu tərəfindən verilən güzəştli ipoteka kreditlərinin şərtləri belədir: maksimal məbləğ - 100 min AZN, maksimal müddət - 30 il, minimal ilkin ödəniş - 10%, maksimal faiz dərəcəsi - 3.7% (zəmanətlə) və 4% (zəmanətsiz)”.

Digər xəbərlər

Banner