İnşaat və əmlak

Əli Əsədovdan Baş nazir kimi - İLK QƏRAR

Əli Əsədovdan Baş nazir kimi - İLK QƏRAR | FED.az
08:12 5 Noy 2019

Nazirlər Kabineti Dövlət Şəhərsalma və Arxitektura Komitəsinin kollegiya üzvlərinin sayının 13 nəfərdən ibarət müəyyənləşdirilməsi barədə qərar qəbul edib.

FED.az xəbər verir ki, qərarı baş nazir Əli Əsədov imzalayıb. 

Eləcə də bax: Əli Əsədov kadr islahatlarına başlayıb - İŞDƏN AZAD EDİLDİLƏR

Qərara əsasən Azərbaycan Respublikası Dövlət Şəhərsalma və Arxitektura Komitəsinin sədri kollegiyanın rəhbəri təyin olunub. Dövlət Şəhərsalma və Arxitektura Komitəsinin sədrinin birinci müavini, habelə komitə sədrinin müavinləri, Naxçıvan Muxtar Respublikası Dövlət Şəhərsalma və Arxitektura Komitəsinin sədri, Dövlət Şəhərsalma və Arxitektura Komitəsinin Aparatının rəhbəri, Dövlət Şəhərsalma və Arxitektura Komitəsinin Aparatının Hüquq və daxili nəzarət şöbəsinin müdiri, Dövlət Şəhərsalma və Arxitektura Komitəsinin yanında Bakı Şəhər Memarlıq və Şəhərsalma Baş İdarəsinin rəisi, Dövlət Şəhərsalma və Arxitektura Komitəsinin tabeliyində publik hüquqi şəxs statuslu Ərazi Tikinti-Planlaşdırma Mərkəzinin İdarə Heyətinin sədri, Dövlət Şəhərsalma və Arxitektura Komitəsinin “Azərmemarlayihə” Dövlət Baş Layihə İnstitutunun direktoru, Dövlət Şəhərsalma və Arxitektura Komitəsinin Bakı Dövlət Layihə İnstitutunun direktoru, Dövlət Şəhərsalma və Arxitektura Komitəsinin Azərbaycan İnşaat və Memarlıq Elmi Tədqiqat İnstitutunun direktoru kollegiyanın üzvləri təyin ediliblər.

Qeyd edək ki, Dövlət Şəhərsalma və Arxitektura Komitəsinin kollegiya üzvlərinin əvvəlki sayı 9 nəfərdən ibarət idi.

Digər xəbərlər