Banner

İnşaat və əmlak

Bakıda ucuz mənzillər bahalaşıb, bahalı mənzillər isə - UCUZLAŞIB

Bakıda ucuz mənzillər bahalaşıb, bahalı mənzillər isə - UCUZLAŞIB | FED.az
08:14 22 İyun 2020

Bakıda mənzil bazarında qiymətlər dəyişib.

FED.az xəbər verir ki, "MBA Group" konsaltinq şirkətinin baş direktoru, daşınmaz əmlak sahəsində ekspert Nüsrət İbrahimov bildirib ki, may ayı ərində Bakıda təkrar mənzil bazarında ümumi qiymətlərdə 0.41 faiz artım, ötən ilin eyni dövrü ilə müqayisədə isə 0.70 faiz azalma müşahidə edilib.

Eləcə də bax: Bakıda mənzillərin kirayəsi - UCUZLAŞIB - MƏBLƏĞ

Onun sözlərinə görə, təkrar mənzil bazarında əsas azalma bahalı evlərdə müşahidə edilib, orta və ucuz evlərdə isə qiymətlərdə stabillik var. Orta qiymət 1 kvadratmetr üçün 1,702 manat təşikil edib.

N.İbrahimov vurğulayıb ki, ilkin mənzil bazarında ay ərzində 7.22 faiz, il ərzində isə 9.11 faiz artım olub. Onun sözlərinə görə, bahalı mənmzillərdə ucuzlaşma var, ucuz mənzillərdə isə bahalaşma olub. İlkin mənzil bazarında 1 kvadratmetrin orta qiyməti 1425 manat təşkil edib.

Ümumilikdə isə daşınmaz əmlak bazarında may ayında 2.23 faiz artım qeydə alınıb. Ötən ilin eyni ayı ilə müqayisədə isə artım 3.56 faiz təşkil edib. (Trend)

Digər xəbərlər

Banner