Azərbaycanın mobil cihazlar bazarında ən yüksək paya sahib marka "Samsung" olub.

“Samsung”un 6500-dən çox işçisi üç günlük tətilə çıxıb

FED.az xəbər verir ki, aparılan araşdırmalar göstərir ki, keçən ay ölkəmizdə "Samsung"un mobil cihazlar bazarında payı 32,62%-lik göstərici ilə birinci yerdə qərarlaşıb.

İyun ayında bu göstərici 37,5%, 2023-cü ilin iyulunda isə 36,87% təşkil edib.

Keçən illə müqayisədə Samsung bazar payının 4,25%-ni itirib.

Bazar payına görə ikinci yerdə “Xiaomi” gəlir. “Xiaomi”nin bazar payı müvafiq olaraq iyun ayı ilə müqayisədə 2,41%, keçən ilin iyul ayı ilə müqayisədə isə 1,06% azalaraq 27,38% təşkil edib.

Üçüncü yerdə 16,79%-lik bazar payı ilə adı açıqlanmayan brednlər yer alıb. Bu brendlərin bazar payı keçən ay 10,96% təşkil edirdi, keçən ilin iyulunda isə bu rəqəm 12,59% idi. Həm 1 ay əvvələ həm də, 1 il əvvələ nəzər saldıqda bu qəbildən olan mobil cihazların bazar payında əhəmiyyətli artım olduğunu görürük.

Siyahıda dördüncü yeri “Samsung”un rəqibi “Apple” tutub – 14,32%. “Apple” markasının bazar payı keçən ilin iyulunda 17,64%, keçən ay isə 12,82% təşkil edib. Bir il əvvəl ilə müqayisədə azalma olsada bir ay əvvələ baxdıqda bazar payında 1,56%-lik artımı görürük.

İlk beşliyin beşinci markası “Honor” olub və bazar payı 3,19% təşkil edib. Şirkətin bazar payı əvvəlki ayla müqayisədə 1,13% azalıb, əvvəlki illə müqayisədə isə 1,77% artıb.

Digər markalar və bazar payları haqqında daha detallı aşağıdakı cədvəldə :