Galaxy S26 və S26+
Hər iki smartfon 12 GB operativ yaddaş və 256 GB və ya 512 GB daxili yaddaşla təchiz olunub.
FED.az biznes və maliyyə xəbərləri portalı xəbər verir ki, “Engadget”in məlumatına görə, ABŞ-də cihazlar Snapdragon 8 Elite Gen 5 for Galaxy prosessoru, Avropada isə Exynos 2600 çipi ilə satışa çıxarılacaq.
S26 modelinin Dynamic AMOLED 2X ekranının diaqonalı 6,3 düym, S26+ versiyasında isə 6,7 düymdür. Hər iki modeldə yenilənmə tezliyi 120 Hz-ə qədərdir və Vision Booster vasitəsilə parlaqlıq tənzimlənməsi mövcuddur.
S26 modelində batareyanın tutumu 4300 mA·s təşkil edir, 25 Vt simli və 15 Vt simsiz enerji yığma dəstəklənir. S26+ modelində isə 4900 mA·s batareya, 45 Vt simli və 20 Vt simsiz enerji yığma mövcuddur. Hər iki cihaz IP68 standartı üzrə toz və sudan qorunur.
Kameralar eynidir:
-
50 MP əsas kamera (f/1.8)
-
12 MP ultra genişbucaqlı kamera (f/2.2)
-
3 qat optik zumlu 10 MP teleobyektiv (f/2.4)
-
12 MP ön kamera (f/2.2)
Şirkətin bildirdiyinə görə, ProScaler texnologiyası və mDNIe mühərriki sayəsində şəkillər daha dolğun, daha kəskin və rənglər daha “realistik” olacaq.
Galaxy S26 seriyası yenilənmiş Bixby köməkçisi, həmçinin Gemini və Perplexity funksiyalarını dəstəkləyir. Perplexity alqoritmləri “Qeydlər”, “Saat”, “Qalereya”, “Təqvim” və “Xatırlatmalar” tətbiqlərinə inteqrasiya olunacaq. Android Authority yazır ki, Google-un çat-botu fon rejimində taksi və ya yemək sifarişi verməyə kömək edə biləcək. İstifadəçi köməkçinin bütün hərəkətlərini real vaxt rejimində izləyə biləcək. Beta versiya ilkin mərhələdə ABŞ və Cənubi Koreyada Uber, Uber Eats, DoorDash və Grubhub üçün əlçatan olacaq.
Şirkət S26 və S26+ modelləri üçün əvvəlcədən sifarişi müvafiq olaraq 900 və 1100 dollardan açıb.
Galaxy S26 Ultra
S26 Ultra modeli Snapdragon 8 Elite Gen 5 for Galaxy prosessoru ilə işləyir. 12 GB + 256 GB və ya 512 GB yaddaş variantları ilə yanaşı, 16 GB + 1 TB versiyası da mövcuddur.
Batareyanın tutumu 5000 mA·s olaraq qalır. 25 Vt simsiz və 60 Vt simli enerji yığma dəstəklənir. Şirkətin məlumatına görə, 60 Vt enerji yığma ilə 30 dəqiqə ərzində cihaz 75%-ə qədər dolur.
Ekran 6,9 düymlük Dynamic AMOLED 2X-dir, 120 Hz-ə qədər yenilənmə tezliyi və Vision Booster parlaqlıq tənzimləməsi mövcuddur. Qoruma səviyyəsi — IP68.
Kameralar:
-
200 MP əsas kamera (f/1.4)
-
50 MP ultra genişbucaqlı (f/1.9)
-
5 qat optik zumlu 50 MP teleobyektiv (f/2.9)
-
3 qat optik zumlu 10 MP teleobyektiv (f/2.4)
-
12 MP ön kamera (f/2.2)
Model Nightography Video gecə çəkilişi rejiminə və APV videokodekinə dəstək verir.
Süni intellekt alətləri arasında “Sənəd skanı” funksiyası (şəkillərdən qırış və barmaq izlərini silir), Creative Studio və promtlar vasitəsilə redaktə imkanı verən yenilənmiş foto redaktoru var. S26 Ultra modelində əlavə olaraq Privacy Display funksiyası təqdim olunub — bu funksiya ekrandakı məxfi məlumatları kənar şəxslərdən gizlədir.
S26 Ultra modelinin qiyməti 1300 dollardan başlayır. (Banker)
