Xəbər verdiyimiz kimi, Antiinhisar və İstehlak Bazarına Nəzarət Dövlət Xidmətinə tələb olunan sənəd və məlumatları təqdim etmədiyinə görə “ABC-TELECOM” MMC-yə (“Kontakt Home” əmtəə nişanı altında fəaliyyət göstərir) qarşı antiinhisar qanunvericiliyinin tələblərinin pozulması əlaməti üzrə iş qaldırılmışdı.
FED.az xəbər verir ki, Dövlət Xidmətinə istinadən xəbər verir ki, işəbaxma zamanı “Kontakt Home” tələb olunan sənəd və məlumatları işəbaxma komissiyasına təqdim edib. “ABC-TELECOM” MMC-nin tələb olunan məlumatları tam həcmdə təqdim etməsi və bu cür halların təkrarlanmayacağına dair öhdəlik götürməsi nəzərə alınaraq işə xitam verilib.
