Amerikanın mərkəzləşdirilməmiş sosial şəbəkəsi “Bluesky” istifadəçilərin “Twitter”dən kütləvi axını ilə əlaqədar yeni hesabların qeydiyyatını müvəqqəti dayandırıb.
İlon Mask «Tvitter»də qaydaları 1 gündə 2 dəfə dəyişdi – YENİ LİMİTLƏR QOYULDU
FED.az xəbər verir ki, İlon Mask ödənişli “Twitter Blue” abunəsi olmayan istifadəçilər üçün yeni məhdudiyyət elan etdikdən qısa müddət sonra şəbəkə istifadəçiləri kütləvi şəkildə “Bluesky”a keçməyə başlayıb.
Söhbət sosial şəbəkədə baxmaq üçün mövcud olan yazıların sayına gündəlik limitin tətbiqindən gedir.
“Bluesky” yeni istifadəçi axınının yaratdığı texniki problemləri həll etmək üçün hesabların qeydiyyatını dayandırıb.
Qeyd edək ki, “Bluesky” 2023-cü ilin əvvəlində istifadəyə verilib və “Twitter”in analoqudur. Layihə “Twitter”in qurucusu Cek Dorsinin dəstəyi ilə hazırlanıb. (Oxu.az)
