“Naxtel” MMC “Araztech” MMC-nin ona qoşulması nəticəsində yenidən təşkil olunur.
FED.az biznes və maliyyə xəbərləri portalı Banker.az-a istinadən xəbər verir ki, “Araztech” MMC-nin bütün hüquq və öhdəlikləri təhvil aktına əsasən “Naxtel” MMC-yə keçir.
Qeyd edək ki, “Naxtel” Məhdud Məsuliyyətli Cəmiyyəti 2015-ci ilin iyul ayında Naxçıvan şəhərində təsis olunub. ”Naxtel” 4-cü nəsil GSM + LTE operatorudur. Öz nizamnaməsi və Naxçıvan Muxtar Respublikası Rabitə və Yeni Texnologiyalar Nazirliyi tərəfindən verilmiş 7 sentyabr 2015-ci il tarixli 0001503 nömrəli lisenziya əsasında fəaliyyət göstərir.
