Azərbaycanın TikTok seqmentində fevralın 11-də maraqlı hadisə baş verib.
FED.az xəbər verir ki, izləyicilərinin sayı sürətlə artan TikTok-da bir günlük ən böyük qazanc qeydə alınıb. Özbəkistandan tir Tiktokerlə duelə çıxan azərbaycanlı «nikolsayağı» ləqəbli Tiktoker 7 min dollar qazana bilib.
Eləcə də bax: Zuckerberqin baş ağrısı: niyə “TikTok” “Meta” üçün - Əsas Təhlükəyə Çevrildi?
Bu barədə texnologiya mütəxəssisi Farid Pardaşünas məlumat verib.
«Dünən Azərbaycan TikTok seqmentində rekord nəticə qeydə alınıb. Özbəkistandan olan bir TikTok-erlə duelə çıxan nikosayağı ləqəbli azəbaycanlı TikTok-er 25.000 izləyici olan yayımda rəqibini məğlub edib. Yayım 10 milyon bəyənmə alıb, və 3 milyondan çox jeton yığılıb. Bu jetonlar isə TikTok-erə 7000 dollardan çox pul qazandırıb 1 yayıma. Qeyd edim ki, bu pullar yerli TikTok izləyiciləri tərəfindən göndərilib. Ümumilikdə yayıma 14.000 dollardan çox pul xərclənib. Canlı yayımda Bayram Nurlu, Pərviz Bülbülə, Pərvin Abıyeva kimi məşhurlar hədiyyə dəstəyi verib. Ən çox dəstək isə bayraktar ləqəbli bir istifadəçidən gəlib»-deyə mütəxəssis yazıb.
