2024-cü ilin yanvar-may aylarında Azərbaycana dəyərində 525 966 ədəd smartfon idxal edilib.

“Samsung” iyulda Azərbaycanın mobil cihaz bazarındakı payının 13 %-ni itirib

FED.az Dövlət Statistika Komitəsinə istinadən xəbər verir ki, bu ilin ilk 5 ayı ərzində idxal edilən telefonların dəyəri 148 milyon 228 min dollar təşkil edib.

Keçən ilin eyni dövrü  ilə müqayisədə idxal olunmuş smartfonların sayı 21,3% başqa sözlə  92 283 ədəd çoxdur. Sayın artımı ilə paralel olaraq xərclənmiş pulun da dəyərində artım olub belə ki, smartfon idxalına çəkilən xərc 2023-cü ilin ilk 5 ayı ilə müqayisədə  26,3% və ya 30 milyon 822 min dollar çoxdur.

Qeyd edək ki, 2023-cü ilin ilk yanvar-may ayları ərzində ölkəyə 117 milyon 406 min dollar dəyərində 433 683 ədəd smartfon idxal edilib.

İdxal və ixrac göstəriciləri haqqənda daha detallı məlumat aşağıdakı cədvəldə :

Bu ilin ilk 5 ayı ərzində ölkəyə gətirilən smartfonlar əsasən Çindən (400 896 ədəd), Vyetnamdan (91 482 ədəd), Hindistandan (31 323 ədəd) və Amerika Birləşmiş Ştatlarından ( 2061 ədəd ) idxal edilib. 1 ədəd smartfonun orta idxal qiyməti ilk 5 ayın nəticələrinə əsasən 282 dollara başa gəlib.

Smartfon idxalı ən baha qiymətə 1 526 dollara Malayziyadan, ən ucuz qiymətə 233 dollara Hindistandan gətirilib.

Ölkələr və saylar haqqında ətraflı aşağıdakı cədvəldə: