2021-ci ilin fevral ayında Azərbaycanın mobil qurğular bazarında "Samsung" liderliyini qoruyub.

Eləcə də bax: Azərbaycan pandemiyalı 2020-də mobil telefon idxalını - Böyük Həcmdə Artırıb

FED.az xəbər verir ki, bu barədə “Global Stats” statistika mərkəzi bildirir.

Hesabat dövründə smartfon və mobil telefonlar bazarında "Samsung"un payı yanvar ayı ilə müqayisədə 1,43 faiz azalaraq 44,05 faiz təşkil edib.

İkinci yerdə qərarlaşan "Xiaomi"nin bazarda payı 1,5 faiz artaraq 32,95 faiz olub.

"Apple" smartfonlarının payı isə yanvarla müqayisədə 1,04 faiz azalıb və 13,68 faizə bərabər olub.

Azərbaycanın mobil qurğular bazarında "Huawei"in payı 5,29 faiz, LG-nin payı 0,54 faiz, "Lenovo"nun payı isə 0,5 faiz təşkil edib. (Trend)