Çinli milyarder, “Alibaba Group” kompaniyasının qurucusu və direktorlar şurasının sədri Cek Ma “Ant Group” şirkətinə nəzarəti itirib.
Alibaba Group Avropadakı əməliyyatlarını Türkiyədən idarə etməyi - PLANLAŞDIRIR
FED.az xəbər verir ki, Bloomberg agentliyinin yaydığı məlumata görə, “Ant Group” korporativ idarəetmənin optimallaşdırılması üçün təsisçi, rəhbərlik və işçi heyəti də daxil olmaqla on nəfərə müstəqil səsvermə hüququ verəcək və Cek Manın şirkət üzərində nəzarəti aradan qalxacaq. Bununla yanaşı, şirkətin səhmdarlarının payı dəyişməz qalacaq.
Çek Man 2020-ci ilin oktyabrında Şanxay forumunda Çin hakimiyyətinin maliyyə tənzimlənməsi siyasətini tənqid edən çıxışından sonra demək olar ki, ictimai məkandan yoxa çıxıb. Həmin çıxışdan bir neçə gün sonra Çinin hakimiyyət orqanları “Alibaba Group” kompaniyasını antiinhisar qanunlarını pozması səbəbindən rekord həcmdə - 2,8 milyard dollar cərimələyib.
Qeyd edək ki, “Alibaba” kompaniyasının tərkibinə daxil olan “Ant Group” online bizneslə məşğuldur. (Azərtac)
