Banner

Hüquq

Moskvada fırıldaqçılar bu yolla bank müştərilərinin - Pulunu Oğurlayır

Moskvada fırıldaqçılar bu yolla bank müştərilərinin - Pulunu Oğurlayır | FED.az
09:11 10 Aprel 2021

Rusiyanın Moskva şəhərində fırıldaqçılar bank müştərilərinə zəng edərək onların səsini yazaraq, daha sonra kreditlərin rəsmiləşdirilməsi üçün istifadə etməyə başlayıblar.

Eləcə də bax: Dələduzlar bu yolla bank kartlarından oğurluq edirlər - FOTO

FED.az "Qafqazinfo”ya istinadən xəbər verir ki, polisdən bildiriblər ki, bugünkü gündə banklar öz müştərilərinin şəxsiyyətini təyin etmək və ya yoxlamaq üçün biometrik məlumatlar, o cümlədən səs yazılarını toplaya bilər. Müştərilər üçün biometriyanın verilməsi könüllüdür. Son zamanlar isə bu fürsətdən fırıldaqçılar öz məqsədləri üçün istifadə etməyə başlayıblar.

“Bəzi bankların biometrik məlumatlarla kredit rəsmiləşdirilməsi xidmətini təqdim etdiyini bilərək, cinayətkarlar səsin tanınması xidməti olan bankın müştərilərinə zəng edirlər və yalnız “bəli” və ya “yox” cavab vermək tələb olunan suallar verirlər. Söhbət yazılır və sonra cavablar fırıldaqçılar tərəfindən qurbanlarına kredit vermək üçün istifadə olunur”, - polisdən bildiriblər. Sonradan moskvalılar bank hesablarından vəsaitin çıxarılmasını və kredit ödənişi edildiyini aşkar edirlər.

Polis bank müştərilərini fırıldaqçıların qurbanı olmamaq üçün ayıq-sayıq olmağa çağırır.

Banner
Banner

Digər xəbərlər