“Avromed Company” QSC məhkəməyə verilib.

Eləcə də bax: “Atəşgah” Sığorta Şirkəti “Azərsu”yu - MƏHKƏMƏYƏ VERİB

FED.az Banker.az-a istinadən xəbər verir ki, məhkəmə işinə Bakı şəhəri Nəsimi Rayon Məhkəməsində hakim Elmədidin Hüseynovun sədrliyi ilə baxılacaq.

İddiaya əsasən “Avromed Company” QSC gömrük qaydaları əleyhinə olan inzibati xəta törədib.

İnzibati Xətalar Məcəlləsinin 485.1-ci maddəsinə əsasən Azərbaycan Respublikasının Gömrük Məcəlləsi ilə müəyyən edilmiş hallarda, mallar və nəqliyyat vasitələri Azərbaycan Respublikasının gömrük ərazisinə gətirilərkən Azərbaycan Respublikasının gömrük sərhədindən keçmə barədə və ya gömrük ərazisindən aparılarkən malların və nəqliyyat vasitələrinin aparılması barədə müvafiq icra hakimiyyəti orqanına məlumatların verilməməsinə və ya təhrif olunmuş məlumatın verilməsinə, yaxud malların və nəqliyyat vasitələrinin məlumatda göstərilən yerə müəyyən edilmiş vaxtda çatdırılmamasına görə -fiziki şəxslər iyirmi manatdan əlli manatadək məbləğdə, vəzifəli şəxslər yetmiş manatdan yüz manatadək məbləğdə, hüquqi şəxslər iki yüz əlli manatdan beş yüz manatadək məbləğdə cərimə edilir.