İstixana və açıq sahə məhsullarının istehsalı ilə məşğul olan “Food Export Şəmkir” MMC “gömrük ödənişləri” ilə bağlı barəsində cərimə protokolu tərtib edilib.
FED.az biznes və maliyyə xəbərləri portalı Banker.az-a istinadən xəbər verir ki, Dövlət Gömrük Komitəsi şirkət barəsində İnzibati Xətalar Məcəlləsinin (İXM) 505-ci maddəsi ilə cərimə protokolu tərtib edilib. Şirkət barəsində cərimə protokolu dövlət qeydiyyatında olduğu rayona deyil, Xaçmaz rayon məhkəməsinə göndərilib. Xaçmaz Rayon Məhkəməsinə göndərib. Qeyd edək ki, bu rayonun ərazisindən Rusiya Federasiyasına ixrac üçün gömrük postları var.
İXM-in 505-ci maddəsi gömrük ödənişlərinin (borcunun) ödənilməsindən yayınma üzrədir.
Belə ki, gömrük ödənişlərini (borcunu) ödəməkdən yayınmağa görə, bu az miqdarda olduqda – ödənilməli olan gömrük ödənişlərinin məbləğinin yetmiş faizindən yüz əlli faizinədək məbləğdə cərimə edilir.
Qeyd: edə ki, “az miqdarda olduqda” dedikdə, iyirmi min manatdan yuxarı olmayan məbləğ başa düşülür.
Lakin, bu bunu da vurğulmalıyıq ki, maddədə nəzərdə tutulmuş əməli ilk dəfə törətmiş şəxs inzibati xəta nəticəsində vurulmuş ziyanı tamamilə ödədikdə inzibati məsuliyyətdən azad olunur.
“Food Export Shemkir” MMC Şəmkir rayonunun Dəllər Cəyir kəndində fəaliyyət göstərir. Şirkət istixanalara, meyvə bağlarına malikdir. Həmçinin şirkət Şəmkir və digər rayonlardakı istehsalçıların meyvə-təvərəz məhsullarını qablaşdıraraq Rusiyaya ixracı ilə məşğul olurdu.
2018-ci ildə şirkətin xaricə ixrac etdiyi məhsulun həcmi 34 milyon dollara yüksəlsə də, sonradan onun adı ölkənin ən çox qeyri-neft məhsulları ixrac edənlərinin siyahısından çıxmışdır.
2017-ci ilin Fevral ayında dövlət qeydiyyatın alınmış və 10 manat nizamnamə kapitalı olan “Food Export Şəmkir” MMC-nin qanuni təmsilçisi Hüseynov Tahir İslam oğludur.
