Azərbaycanın ən iri heyvandarlıq təsərrüfatlarından biri - Xaçmaz rayonunun Yalama qəsəbəsində yerləşən “Yalama Aqropark”da güclü yanğın baş verib.
FED.az xəbər verir ki, günorta saatlarından başlayan yanğını söndürmək üçün hadisə yerinə çoxsaylı yanğınsöndürmə qrupları cəlb olunub.
Aqroparkın ot anbarlarından başlayan yanğının söndürülməsinə Xaçmaz və Qusar rayonlarından yanğınsöndürən briqadaları cəlb olunub.
Yanğınsöndürənlər tərəfindən yanğının heyvandarlıq kompleksindəki fermalara keçməsinin qarşısı alınıb.
Nəticədə “Yalama Aqropark”da baş verən yanğın zamanı heyvandarlıq kompleksinə ziyan dəyməyib.
