Dünən saat 17:00-18:00 radələrində yağan güclü yağış və dolu nəticəsində Tərtər rayonuna dəymiş ziyan barədə ilkin məlumat açıqlanıb.
Tərtərdə 3 kəndi su basdı - VİDEO
FED.az xəbər verir ki, Tərtər Rayon İcra Hakimiyyətindən verilən məlumata görə, rayonun Dəmirçilər kəndində vətəndaşlara məxsus 70 fərdi yaşayış evinin həyətini su basmış, 16 hektar buğda, 15 hektar arpa, 3 hektar pambıq, 5 hektar günabaxan, 30 hektar yonca sahəsinə ağır və orta dərəcədə ziyan dəyib.
"Ağkənd kəndində vətəndaşlara məxsus 40 fərdi yaşayış evinin həyətini su basmış, 23 hektar buğda, 25 hektar arpa, 7 hektar günabaxan, 20 hektar yonca sahəsinə ağır və orta dərəcədə ziyan dəyib",-deyə məlumatda qeyd olunub. (Trend)
