Banner

Hadisə

Kreditə görə başqa biznesmenlər də həbs edilib - ƏTRAFLI 

Kreditə görə başqa biznesmenlər də həbs edilib - ƏTRAFLI  | FED.az
16:22 28 Avq 2018

“AccesBank”ın şikayəti əsasında tanınmış biznesmenin həbs edilməsi hadisəsi ilə bağlı yeni faktlar məlum olub.

FED.az xəbər verir ki,  Avtosfer.az-ın Nərimanov rayon Məhkəməsindən əldə etdiyi məlumata görə, bankın Baş prokuror yanında Korrupsiyaya Qarşı Mübarizə Baş İdarəsinə şikayəti əsasında cinayət məsuliyyətinə cəlb edilmiş yeganə biznesmen Abşeron rayonunda yerləşən "Neapol" otelinin sahibi Şükür Əhmədov deyil. Bildirilir ki, “AccesBank” kredit götürərək müxtəlif formada ödənişdən yayınan bir neçə iş adamı barəsində hüquq-mühfizə orqanlarına müraciət edib.

Eləcədə bax: Məşhur iş adamı ABŞ prezidentini necə aldatdı? - PAYTAXTLARIN TARİXİ

Həmin biznesmenlər arasında bir müddət əvvəl xuliqanlıq və dələduzluq kimi cinayətlərdə təqsirli bilinən 1961-ci ildə Şirvan şəhərində anadan olmuş Xanməmmədov Azadxan Allahqulu oğlunun da adı var. Belə ki, A.Xanməmmədov bankdan götürdüyü külli miqdarda pul kreditini geri qaytarmaqdan imtina edib.

Nəticədə ümumilikdə cərimə və faizlərlə birlikdə 5 milyon manatdan artıq (3 milyon dollar) kredit borcu yaranıb və bu səbəbdən də bank iş adamının barəsində müvafiq tədbirin görülməsi üçün Baş Prokuror yanında Korrupsiyaya Qarşı Mübarizə Baş İdarəsinə şikayət edib.

Qeyd edək ki, bir müddət əvvəl iş adamı Xanməmmədov Azadxan Allahqulu oğluna qarşı Azərbaycan Respublikasının Cinayət Məcəlləsinin 178.3.2-ci (dələduzluq, külli miqdarda ziyan vurmaqla törədildikdə) maddəsi ilə cinayət işi başlanıb. Daha əvvəl isə o, xuliqanlıq əməlində təqsirli bilinərək 3 il müddətinə azadlıqdan məhrum edilib.

A.Xanməmmədovun adı bir sıra digər qalmaqallarda da hallanıb.

Digər xəbərlər

Banner