Binəqədidə rabitə kabelini oğurlayan şəxsi polis saxlayıb.
Daxili İşlər Nazirliyinin Mətbuat Xidmətindən FED.az-a verilən məlumata görə Binəqədi rayonunun K.Rəhimov küçəsində Telefon Rabitə Qovşağına məxsus 416 metr rabitə kabelinin kəsilərək oğurlanması barədə polisə məlumat daxil olub.
Binəqədi RPİ 5-ci Polis Bölməsi əməkdaşlarının keçirdikləri əməliyyat tədbirləri nəticəsində oğurluq əməlində şübhəli bilinən Balakən rayon sakini İbrahim Keçiliyev müəyyən olunaraq saxlanılıb. Araşdırma aparılır.
