Bakı şəhəri, Səbail rayonunda “Monolit plaza” otelində yanğın olub.
FHN-dən FED.az-a verilən məlumata görə, otelin ümumi sahəsi 1000 m² (hər mərtəbəsi 500 m², dam örtüyü taxta atmalar və dəmirdən ibarət) olan ikimərtəbəli restoranın dam örtüyünün yanar konstruksiyaları 80 m² sahədə, ona bitişik ümumi sahəsi 50 m² olan istifadəyə yararsız talvarın yanar konstruksiyaları və 50 m² sahədə məişət tullantıları yanıb. Yeməkxananın qalan hissəsi yanğından mühafizə olunub. Yanğın söndürülüb.
