Bakıda Xətai rayonunda marketlərin birində atışma olub. Bir nəfər ölüb.
FED.az xəbər verir ki, xəbər verir ki, görüntülərdən hadisənin 2 nəfər tərəfindən törədilməsi məlum olur. Belə ki, hipermarketin giriş hissəsindəki bankomatda inkassatorun pulları çıxardığı vaxt bir nəfərin tapança ilə daxil olaraq atəş açdğı görünür. Bu zaman inkassatorun mühafizəçisi silahlı müqavimət göstərməyə çalışır və baş nahiyəsindən güllə yarası alaraq yıxılır. Həmin zaman hipermarketin daxili hissəsindən digər silahlı şəxs bir neçə dəfə atəş açaraq pulların olduğu kisəni götürərək digər şəxslə birgə oradan uzaqlaşır.
***
Xətai rayonunda baş verən atışma nəticəsində xəsarət alan 2 nəfər Sabunçu Tibb Mərkəzinə yerləşdirilib.
FED.az xəbər verir ki, bu barədə TƏBİB-in məlumatında deyilir
"1 nəfər hadisə yerində vəfat edib", - məlumatda bildirilib.
***
Bakıda Əhmədlidəki hipermarketdə atışma nəticəsində zərərçəkənlərin adları məlum olub.
FED.az xəbər verir ki, atışma nəticəsində 1 nəfər ölüb, 2 nəfər yaralanıb.
Ölən şəxs Həsənov Rüfət Rahib oğludur. O başından güllələnib.
Yaralananlar isə Şaydayev Samir Ruslan oğlu kürək nahiyyəsindən 2 güllə yarası alıb. Adı açıqlanmayan 1 nəfər isə sağ ciynindən güllələnib.
***
Baş Prokurorluğun açıqlaması: Xətai rayonu ərazisində yerləşən supermarketlərdən birində baş vermiş silahlı insidentlə bağlı hazırda Baş Prokurorluğun İstintaq idarəsi, Kriminalistika şöbəsi və Xətai rayon prokurorluğunun əməkdaşları hadisə yerindədilər. Qeyd olunan faktla bağlı prokurorluqda araşdırma aparılır. İctimaiyyətə əlavə məlumatın verilməsi təmin ediləcəkdir.
***
Bu gün Bakı şəhər Xətai rayonu Əhmədli qəsəbəsində “Bravo” supermarketində silahlı insident baş verib.
FED.az xəbər verir ki, hadisə zamanı iki nəfər güllələnib. Onlardan biri hadisə yerində vəfat edib. Digər şəxs isə yaralı halda xəstəxanaya aparılıb.
Ölən şəxsin banklardan birinin inkassatoru olduğu bildirilir.
Daxili İşlər Nazirliyinin Mətbuat xidmətindən bildirilib ki, hadisə barədə ətraflı məlumat veriləcək.
