Cəlilabad, İmişli, Ağstafa, Abşeron, Goranboy, Tərtər və digər rayonların İH-nin yardımları Türkiyəyə yola salınır.
FED.az xəbər verir ki, yardıma 22 ədəd modul tipli ev daxildir.
Evlərin hər birində 10 nəfər insan yaşaya bilər.
Hər bir ev 3 metr enində, 7 metr uzunluğundadır.
Türkiyədə zəlzələ bölgəsində - 61 722 BİNA SÖKÜLƏCƏK
Həftənin sonunadək yerli icra hakimiyyəti orqanları tərəfindən əlavə 43 ədəd müasir modul tipli evin təbii fəlakət bölgələrinə göndərilməsi nəzərdə tutulur.
Həmçinin indiyə kimi 26 ədəd modul tipli evlər aidiyyəti şəhər, rayon icra hakimiyyətləri tərəfindən yola salınıb.
Türkiyənin Azərbaycandakı səfiri Cahit Bağçı deyib ki, Azərbaycandan göndərilən modul tipli evlər Kahramanmaraşda toplanacaq.
Səfir qeyd edib ki, orada böyük bir məhəllə qurulacaq: "Bu proses Azərbaycan FHN və AFAD tərəfindən həyata keçiriləcək". (Apa)
