2023-cü ilin yanvar-dekabr aylarında Azərbaycan xarici ölkələrdən 25 milyon 103 min ABŞ dolları dəyərində 320 min 543 ədəd diri qoyun idxal edib.
FED.az Dövlət Statistika Komitəsinə istinadən xəbər verir ki, bu da 2022-ci il ilin eyni dövrü ilə müqayisədə dəyər ifadəsində 9 milyon 202 dollar və ya 57,9%, miqdar baxımından isə 125 min 981 ədəd və ya 64,8% çoxdur.
2022-ci ilin yanvar-dekabr aylarında 15 milyon 901 min dollar dəyərində 194 min 562 ədəd qoyun gətirlib.
1 ədəd qoyunun idxal qiyməti 2023-cü ildə 78 dollar (133 manat), əvvəlki il isə 82 dollar (140 manat) olub. Beləliklə, idxal qiyməti son bir il ərzində 4 dollar (7 manat) və ya 4,2% ucuzlaşıb.
