2023-cü ilin yanvar-noyabr aylarında Azərbaycan Rusiyadan 6 milyon 11 min ABŞ dolları dəyərində 11 min 259 ton qarabaşaq idxal edib.
FED.az Dövlət Statistika Komitəsinə istinadən xəbər verir ki, bu da 2022-ci il ilin eyni dövrü ilə müqayisədə dəyər ifadəsində 2 milyon 856 min dollar və ya 32,2% az, həcm baxımından isə 2 734 ton və ya 32,1% çoxdur.
2022-ci ilin yanvar-noyabr aylarında Rusiyadan 8 milyon 868 min dollar dəyərində 8min 525 ton qarabaşaq idxal edilib.
1 ton qarabaşağın idxal qiyməti 2023-cü ilin 11 ayı ərzində 534 dollar, 2022-ci ilin eyni dövründə 1 040 dollar təşkil edib. Qiymətlərdə son bir ildə 506 dollar (48,7%) ucuzlaşma baş verib.
Ümumilikdə isə 1 kq qarabaşağın idxalı 2023-cü ilin yanvar-noyabr aylarında 0,91 manat və 2022-ci ilin yanvar-noyabr aylarında 1,77 manata (0,86 manat ucuzlaşma) başa gəlib.
