2023-cü ildən etibarən Azərbaycanda sahibkarların böyük maraqla gözlədiyi gömrükdə malların rəsmiləşdirilməsi üçün yeni qaydalar qüvvəyə minib.
Gömrük borclarını təmin edən qarantiyaların maksimal hədləri dəyişir - SİYAHI
FED.az xəbər verir ki, yeniliyin əsas məqamı gömrük dəyərinin müəyyən edilməsi ilə bağlıdır.
Gömrük rüsumundan azad edilən mallar - YENİ QƏRAR, SİYAHI
Yeni gömrük qaydaları bu gün Bakıda Biznes mühiti və beynəlxalq reytinqlər üzrə Komissiyanın təşkilatçılığı ilə “Rəqəmsal İdarəetmə Platforması və yeni iqtisadi təşəbbüslərin təqdimatı” mövzusunda keçirilən konfransda açıqlanıb.
Konfransda iqtisadiyyat nazirinin birinci müavini, “Beynəlxalq ticarət” işçi qrupunun rəhbəri Elnur Əliyev “Xarici ticarət fəaliyyətində rəsmiləşdirmənin təkmilləşdirilməsi: Malların gömrük dəyərinin müəyyən edilməsi ilə bağlı islahatlar” mövzusunda çıxış edərək bu sahədəki son islahatlar barədə ətraflı məlumat verib.
Nazir müavini bildirib ki, rəsmiləşdirilmədəki əsas islahatlardan biri vacib, xüsusilə də idxal zamanı bəlkə də ən əsas element olan malın gömrük dəyərinin müəyyən edilməsi ilə bağlıdır.
Bu dəyişiklik ötən ilin sonu, bu ilin əvvəlində qanunvericilikdə aparılmış islahatlarla baş verib.
Elnur Əliyev bildirib ki, beynəlxalq təcrübədə görük dəyərinin müəyyən edilməsi üçün qəbul olunmuş ümumi prinsiplər var.
«Bizim milli qanunvericilikdə, o cümlədən «Gömük tarifi haqqında» qanunda da birbaşa olaraq ölkəmizdə gömrük dəyərləndirilməsi sisteminin həmin prinsiplərə əsaslandığı müəyyənləşdirilib. Bu baxımdan ölkəmizdə islahatların həyata keçirilməsi üçün sözügedən beynəlxalq prinsiplər, onların tətbiqi ilə bağlı bir sıra ölkələrin mütərəqqi təcrübəsi, habelə sahibkarlardan daxil olan müraciətlər təhlil olunur və aidiyyatlı dövlət orqanlarında müzakirə edilərək müvafiq islahat istiqamətləri müəyyən edilib»-deyə Elnur Əliyev bildirib.
Biznes mühiti və beynəlxalq reytinqlər üzrə komissiyanın iş qrupu çərçivəsində «Gömrük tarifi haqqında» qanunda və Gömrük Məcəlləsində həmin istiqamətlərdə dəyişiklikləri nəzərdə tutan qanunvericilik aktları layihələri hazırlanıb. Bununla bağlı dövlətdaxili prosedurlar yekunlaşdıqdan sonra ötən ilin 27 dekabr tarixinə qanunlar qəbul edilib və dövlət başçısı tərəfindən təsdiq edildikdən sonra qüvvəyə minib.
Nazir müavininin sözlərinə görə, dəyişikliklərin mahiyyəti gömrük dəyərinin müəyyən edilməsi ilə bağlı prosesi sürətləndirmək məqsədilə tərəflər üçün müddət hədlərin və imkanların müəyyən edilməsidir.
Dəyişikliklərə əsasən - gömrük orqanının bəyan olunmuş gömrük dəyərinə düzəlişləri olduqda rəsmi qaydada yazılı və elektron formada 24 saat müddətində bəyannaməçiyə həmin düzəlişi bildirməlidir.
Gömrük dəyərinə düzəliş səbəbindən bəyannamə bir gün müddətində gömrük orqanı tərəfindən təsdiq olunmadıqda - bəyannaməçinin – bəyannamə təsdiq olunmadan və gömrük dəyəri yekun müəyyən edilmədən malın buraxılışını həyata keçirməsi və malın onun sərəncamına verilməsi üçün müraciət etmək hüququ yaranır.
Bəyannaməçi müəyyən edilmiş şərtləri yerinə yetirirsə, buraxılış dərhal həyata keçirilir və yekun gömrük dəyərinin müəyyən edilməsi prosesi malın buraxılışından sonra həyata keçirilir.
«Burada şərtlər ondan ibarətdir ki, bəyannaməçi özünün hesabladığı gömrük dəyərinə uyğun gömrük ödənişin ödəyir, gömrük orqanının düzəlişi nəticəsində yarana biləcək əlavə gömrük borcuna görə təminat verir və malın buraxılışı üçün Gömrük Məcəlləsinə uyğun digər tələbləri yerinə yetirir»-deyə Elnur Əliyev bildirib.
Nazir müavini bildirib ki: «İstahatdan bizim əsas gözləntimiz, bir tərəfdən müəyyən edilmiş gömrük dəyərinin düzgün olması, digər tərəfdən isə dəyərin mümkün qüsa müddətdə və vaxtında müəyyən edilməsinin təyin edilməsidir».
Bu baxımdan edilən dəyişikliklər gömrük dəyəri ilə əlaqədar mübahisəli hal yarananda sahibkarlar üçün əlavə xərc və vaxt itkisinin qarşısının alınmasına, müvafiq dövlət orqanının öz hüquqlarının səmərəi istifadəsinə, sahibkarlarla təmasının minimuma endirilməsinə və gömrük dəyərinin düzgün müəyyən edilməsiə şərait yaradır.
Nazir müavini bildirib ki, islahat prosesi davam edir: «dövlət başçısının tapşırığına uyğun olaraq gömrük dəyərinin müəyyən edilməsinə dair qaydalar Nazirlər Kabineti tərəfindən müəyyən olunacaq. Hazırda beynəlxalq və işçi qrup çərçivəsində bu istiqamətdə işlər görülür».
