2023-cü ilin yanvar-dekabr aylarında Azərbaycan xarici ölkələrdən 14 milyon 35 min ABŞ dolları dəyərində 19 min 628 ton portağal idxal edib.
FED.az Dövlət Statistika Komitəsinə istinadən xəbər verir ki, bu da 2022-ci il ilin eyni dövrü ilə müqayisədə dəyər ifadəsində 42,9 min dollar və ya 0,3% azdır, həcm baxımından isə 8 ton və ya çoxdur.
2022-ci ilin yanvar-dekabr aylarında 14 milyon 78 min dollar dəyərində 19 min 620 ton portağal idxal edilib.
1 ton portağal idxal qiyməti 2023-cü ildə 715 dollar, 2022-ci ilin eyni dövründə 718 dollar təşkil edib. Qiymətlərdə son bir ildə 2 dollar (0,3%) ucuzlaşma baş verib.
Ümumilikdə isə 1 kq portağal idxalı 2023-cü ilin və 2022-ci ilin yanvar-dekabr aylarında 1,22 manata başa gəlib.
