“Aksa Doğalgaz” şirkəti (AKSA Enerji) “SOCAR Türkiye” qrupunun şirkətlərindən olan "Bursagaz" və "Kayserigaz"ın alınması üçün müqavilə imzalayıb.
"SOCAR Türkiye"nin investisiyaları - 18 MİLYARD DOLLARA YAXINLAŞIB
FED.az xəbər verir ki, "Aksa Doğalgaz", "SOCAR Türkiye"nin tərkibində fəaliyyət göstərən təbii qaz paylama şirkətləri "Bursagaz" və "Kayserigaz"ı almaq üçün müqavilə prosesini tamamlayıb.
Transfer əməliyyatlarının tamamlanmasıyla "Bursagaz" və "Kayserigaz" "Aksa Doğalgaz" "çətiri" altında xidmət göstərəcəklər.
"Aksa Doğalgaz"ın İdarə Heyətinin sədri Yaşar Arslan törəmə şirkəti olduqları "Kazancı Holding"in bilik və təcrübəsindən güc alaraq irəlilədiklərini və bu müddətdə ölkənin inkişafına töhfə verməyi hədəflədiklərini bildirib.
2015-ci ildə qarşıya qoyduğu 2025 hədəflərini aşdıqlarını və 2030-cu il üçün yeni və güclü hədəflərlə yola çıxdıqlarını qeyd edən Arslan, “Bursagaz və Kayserigaz ilə birlikdə davamlı inkişaf yönümlü strategiyamızı əks etdirən bu hədəflərə yaxın olacağıq. Hər biri öz bölgəsində mühüm xidmətlər göstərən bu şirkətlərin sinerjisi ilə, inanıram ki, "Aksa Doğalgaz" yeni uğurlar qazanacaq və biz böyüyən və güclənən əməliyyat şəbəkəmizlə gələcəyi formalaşdırmağa davam edəcəyik", deyib.
2019-cu ildən "SOCAR Türkiye" şirkətinin tərkibində xidmət göstərən "Bursagaz" və "Kayserigaz" təxminən 2 milyon abonentə təbii qaz paylama xidməti göstərir.
Təxminən 1,2 milyon abunəçisi və 7 min kilometri keçən şəbəkə uzunluğu ilə "Bursagaz" Türkiyənin 4-cü ən böyük təbii qaz paylama şirkətidir.
"Kayserigaz"ın şəbəkə uzunluğu 7 min kilometrdən çoxdur və 700 min abunəçisi var.
“SOCAR Türkiye”nin baş direktoru Elçin İbadov, “Şirkətlərimizin satış qərarını "SOCAR Türkiye"nin uzunmüddətli strateji hədəfləri istiqamətində qiymətləndiririk. Bu günə qədər etdiyimiz təxminən 18,5 milyard dollar sərmayə ilə Türkiyənin ən böyük birbaşa xarici sərmayədarıyıq və bu strateji əhəmiyyətli sərmayələrlə uzun illər Türkiyədə dəyər yaratmağa davam edəcəyik. Bir müddət əvvəl ictimaiyyətlə paylaşdığımız kimi, əsas istiqamətlərimizdən biri olan neft-kimya sənayesinə diqqət yetiririk, bu sahəyə əhəmiyyətli bir sərmayə qoymaq üçün mühəndislik tədqiqatlarına başlamışıq", deyib. (Marja)
