Dövlət Neft Şirkətinin (SOCAR) törəməsi olan “SOCAR Polymer” MMC şirkətinin baş direktoru dəyişib. Bu barədə Banker.az-ın əldə etdiyi məlumatda deyilir.
Eləcə də bax: SOCAR-da - Yeni Təyinat
FED.az Banker.az-a istinadən xəbər verir ki, şirkətin baş direktoru Fərid Cəfərov vəzifəsini tərk edib. Onun yerinə isə bu şirkətdə indiyə qədər Baş maliyyə direktoru kimi çalışmış Fuad Əhmədov təyin edilib. F.Əhmədov “Cənubi Qafqaz Boru Kəməri” Şirkəti və SOCAR-da bir sıra müham vəzifələrdə çalışıb.
“SOCAR Polymer” şirkəti – 16 iyul 2013-cü il tarixində ölkənin kimya sənayesinin inkişafının sürətləndirilməsi məqsədi ilə təsis edilmişdir. Şirkətin istehsalat obyektləri polipropilen (PP) və yüksək sıxlıqlı polietilen (YSPE) istehsal edən iki zavoddan ibarətdir. Həmin zavodlar Sumqayıt Kimya Sənaye Parkının (SKSP) ərazisində yerləşir. 184000 və 120000 ton illik istehsal gücünə malik olan PP və YSPE zavodları müvafiq olaraq 2018-ci ilin iyulunda və 2019-cu ilin fevralında istismara verilmişdir.
