Bu ilin yanvar-aprel aylarında Rusiyanın "Qazprom" şirkəti uzaq xarici ölkələrə 68,4 mlrd. kubmetr qaz tədarük edib ki, bu da ötən ilin analoji dövrü ilə müqayisədə 15,1 mlrd. kubmetr və ya 28,3% çoxdur.

Eləcə də bax: Azərbaycan Türkiyəyə qaz ixracını - 15,5% Artırıb

FED.az xəbər verir ki, bu barədə Rusiya mətbuatı "Qazprom"a istinadən xəbər verir.

Məlumata görə, ilin əvvəlindən şirkət 179,9 mlrd. kubmetr qaz hasil edib, bu da illik müqayisədə 21,7 mlrd. kubmetr və 13,7% çoxdur.

Xatırladaq ki, Azərbaycan Türkiyənin qaz idxalında Rusiyadan sonra ikinci yerdə qərarlaşıb. Bununla yanaşı, Azərbaycan 2020-ci ilin dekabrın 31-dən Trans-Adriatik boru kəməri vasitəsi ilə Avropaya qazın ixracına başlayıb. Bu boru kəməri Yunanıstan, Albaniya və Adriatik dənizindən keçməklə İtaliyanın cənubuna qədər uzanır. (Apa)