“Vortexa” konsaltinq şirkətinin icmalına əsasən, Ukraynadakı hərbi münaqişə və dünyanın ən böyük karbohidrogen ixracatçılarından biri olan Rusiyaya qarşı tətbiq edilən sanksiyalar səbəbindən qlobal neft bazarı artıq normal fəaliyyət göstərmir.
Eləcə də bax: Ekspert: "Rusiya neftini əvəz etmək üçün 5-10 il lazım olacaq"
FED.az xəbər verir ki, şirkətin ekspertləri neftin qiymətinin 200 dollar/bareldən yuxarı olmasını və dünyanın bəzi yerlərində yanacaqdoldurma məntəqələrində benzin qıtlığını istisna etmirlər.
“Vortexa”nın mütəxəssisləri yazır ki, qlobal enerji ehtiyatlarının kifayət qədər olmaması ilə bağlı gərgin vəziyyət fevralın 24-də Rusiyanın Ukraynada ölkəni denazifikasiya və demilitarizasiya etmək üçün xüsusi hərbi əməliyyata başlamasından xeyli əvvəl yaranıb. "Vortex"in baş iqtisadçısı Devid Vek bildirib ki, bu vaxta qədər qlobal bazar neft, qaz və neft məhsullarının aşağı ehtiyatları ilə gündəmə gəlib. Buna görə də, münaqişənin gərginləşməsi yalnız dəniz tədarükü ilə gündə 7,4 milyon barel həcmində qiymətləndirilən Rusiyanın neft və qaz ixracına embarqo qoyulması qorxusu səbəbindən enerji bazarındakı vəziyyəti daha da gərginləşib.
Hərbi əməliyyatların başlanmasından bəri Brent markalı neftin qiyməti təxminən 30% artaraq 2014-cü ildən bəri ilk dəfə bir barel üçün 130 dolları keçib. Avropada qazın qiyməti tarixi zirvələrə çatıb, hər min kub metri 3000 dollardan xeyli yuxarıdır. Avropada enerji böhranı ilə bağlı əsassız ittihamlar və “Şimal axını-2”yə qadağa qoyulması ilə əlaqədar Rusiyanın “güzgü” qərar qəbul etməyə və “Şimal axını 1” vasitəsilə qaz nəqlinə embarqo tətbiq etməyə tam hüququ olduğu barədə xəbərlər də yayılıb.
“Neftin qiymətinin 200 dolları keçəcəyini istisna etmirik, çünki bazar artıq normal fəaliyyət göstərmir”, - Vek deyib. O qeyd edib ki, Rusiya limanlarına neft daşımaları əvvəlki kimi davam etsə də, tərəflərin bəziləri alternativ alıcılar axtarmağa məcbur olacaq, çünki artıq mənəvi səbəblərdən və ya sanksiyalar qorxusundan Rusiya neftini almaqdan imtinalar var.
Onun sözlərinə görə, hətta Asiya neft idxalçıları da yeni sifarişlər verməkdə çətinlik çəkirlər. (Marja)
