“Rusiyanın "Lukoyl" şirkəti Azərbaycanda “yaşıl energetika”nın inkişafında maraqlıdır”.
Eləcə də bax: "Lukoil" “Petronas”ın “Şahdəniz” layihəsindəki payının - 9,99%-Nİ ALACAQ
FED.az biznes və maliyyə xəbərləri portalı Report-a istinadən xəbər verir ki, bunu Rusiyanın Azərbaycandakı səfiri Mixail Boçarnikov mətbuat konfransında deyib.
Səfir şirkətin Azərbaycanda vacib razılaşmalar əldə etdiyini xatırladıb: "Belə ki, “Şahdəniz” layihəsinin səhmlərinin 9,99%-lik hissəsini aldıqdan sonra şirkətin ümumi payı 19,99%-ə çatıb. “Lukoyl” həmçinin Abşeron yarımadasının dayazsulu hissəsində 25%-lik paya malikdir.
Diplomat həmçinin Rusiya regionlarının Azərbaycan ilə əməkdaşlığı inkişaf etdirməkdə maraqlı olduqlarını bildirib: "Bu ilin fevral ayında Sankt-Peterburq və Udmurtiyadan Bakıya nümayəndə heyətlərinin səfərləri planlaşdırılıb. Bundan başqa, Həştərxan regionu, Dağıstan və digər regionlar da iqtisadi əməkdaşlığın inkişafına maraq göstərir".
