Qətərin energetika naziri çərşənbə axşamı bildirib ki, Qətərin və ya hər hansı digər ölkənin Rusiya qazını LNG olaraq Avropaya çatdırmaq üçün kifayət qədər imkanları yoxdur.
Eləcə də bax: Almaniya "Simal axini-2" layihəsinə - "STOP" QOYUR
FED.az xəbər verir ki, Qətərdə hasil edilən təbii qazın böyük hissəsinin uzunmüddətli müqavilələrlə asiyalı alıcılara göndərildiyini bildirən Saad əl-Kabi, Qətərin təbii qaz həcminin yalnız 10-15 faizini Avropaya ixrac edə biləcəyini bildirib.
Kabi, “Rusiya Avropanın ehtiyaclarının 30-40 faizini təmin edir. “Mən düşünmürəm ki, LNG ilə bu boşluğu bağlaya biləcək bir ölkə yoxdur". deyib.
Kabinin LNG təchizatı ilə bağlı qiymətləndirməsi Avropanın enerji təhlükəsizliyi ilə bağlı narahatlıqları daha da artırıb.
Von der Leyen: Biz Rusiya qazından çox asılıyıq
Avropa İttifaqı (Aİ) Komissiyasının sədri Ursula fon der Leyen Rusiya ilə böhranda onların Rusiya qazından həddən artıq asılı olduqları, təchizatçılarını diversifikasiya etməli və bərpa olunan enerjiyə böyük sərmayə qoymağa ehtiyac duyduqlarını açıqlayıb.
Von der Leyen deyib: "Rusiya bu böhranı yaranıb və mövcud gərginliyə görə Rusiya məsuliyyət daşıyır. İndi biz sanksiya paketini tez bir zamanda yekunlaşdıracağıq. İndiyə qədər etdiyimiz kimi tərəfdaşlarımızla yaxından koordinasiya edəcəyik",- deyib.
Sanksiyaların Rusiyanın hərəkətlərinə görə məsuliyyət daşıyan şəxsləri və şirkətləri hədəf aldığını bildirən Von der Leyen, həmçinin Rusiya ordusunu maliyyələşdirən və Ukraynada sabitliyin pozulmasına töhfə verən bankların da sanksiyalar çərçivəsində olacağını bildirib:
“Biz Kremlin aqressiv siyasət yürütməsini mümkün qədər çətinləşdirəcəyik”.
Von der Leyen Almaniyanın “Şimal axını 2” boru kəməri layihəsinin təsdiq prosesini dayandırmaq qərarını düzgün hesab etdiyini bildirib.
Von der Leyen deyib: "Şimal axını 2" bütün Avropanın enerji təchizatının təhlükəsizliyi baxımından qiymətləndirilməlidir. Çünki bu böhran Avropanın hələ də Rusiya qazından çox asılı olduğunu göstərdi. Biz təchizatçılarımızı diversifikasiya etməli və bərpa olunan enerjiyə böyük həcmdə sərmayə qoymalıyıq. Bu, enerji müstəqilliyimizə strateji sərmayədir”. (Marja)
