Mayın 31-də Azərbaycan Dövlət Neft Şirkətinin (SOCAR) prezidenti Rövşən Nəcəf Qazaxıstanın ölkəmizdəki fövqəladə və səlahiyyətli səfiri Alim Bayel ilə görüşüb.
“KazMunayQaz”: "Aralıq dəniz akvatoriyasına tədarük Azərbaycan nefti hesabına artıb"
FED.az xəbər verir ki, bu barədə SOCAR-ın mətbuat xidmətindən bildirilib.
Görüşdə Azərbaycanla Qazaxıstanın bütün istiqamətlərdə, o cümlədən enerji sektorunda uğurlu əməkdaşlıq etdikləri məmnunluqla qeyd olunub. Bu xüsusda, SOCAR ilə Qazaxıstan şirkətləri arasında əlaqələrin dinamik inkişaf etdiyi diqqətə çatdırılıb.
Görüşdə SOCAR ilə “KazMunayQaz” şirkəti arasında əməkdaşlığın cari vəziyyətinə, Qazaxıstan neftinin Azərbaycan ərazisi ilə tranzitinə, hasilat layihələrində əməkdaşlıq imkanlarına və qarşılıqlı maraq doğuran digər məsələlərə dair fikir mübadiləsi aparılıb.
