Neft bazarında baş verənlər, dahi dəqiqi qiymətlərin tez-tez aşağı düşməsi iri neft şirkətlərini öz büdcələrinə yenidən baxmağa vadar edib. Bu, xüsusilə sanksiya altında olan Rusiya şirkətləriə aiddir.
Azərbaycan nefti 3 həftədir - 70 DOLLARA ÇATA BİLMİR – SON QİYMƏT
FED.az xəbər verir ki, Rusiyanın ən böyük neft şirkəti sayılan "Rosneft" öz büdcəsində neftiin qiymətini 45 dollardan götürüb. Bu barədə "Rosneft"in baş direktoru İqor Seçin bildirib, o deyib ki, "Rosneft" büdcəsində neftin qiymətini 45 dollar/barel səviyyəsində hədəfləyir: «Mövcud şəraitdə “Rosneft” öz büdcəsini real fərziyyələrə əsaslanaraq, neftin bir barelinin 45 dollar qiymətindən istifadə etməklə formalaşdırır», - o qeyd edib.
Seçin vurğuladı ki, şirkət davamlı olaraq portfelin monitorinqini, təhlilini və reytinqini həyata keçirir.
«Biz hasilatı optimallaşdırırıq və dividend ödəmələri mənbəyi yaratmaq üçün xüsusi vergi rejimi ilə yüksək marjalı layihələrə, o cümlədən "Vostok Oil" və "Saxalin-1"ə cəmlənirik. Eyni zamanda, bir sıra digər şirkətlər də borc cəlb etməklə dividendlər ödəyirlər", - o deyib.
«Rosneft»in ən böyük səhmdarları dövlətə məxsus «Rosneftegaz» (40,4%), 19,75% payla «BP Russian Investments Limited», Qətərin «QH Oil Investments» (18,46%) və 9,6% ilə «RN-Neft Capitalinvest» MMC-dir. 2022-ci ilin fevralında BP şirkəti «Rosneft»in səhmdar bazasından çıxacağını elan etdi, lakin hələ də Rusiya şirkətindəki payını özündə saxlayır.
Xatırladaq ki, Azərbaycanın 2025-ci il üzrə dövlət büdcəsində neftin qiyməti 70 dollardan götürülüb. Amma ənənəvi olaraq Azərbaycan nefti Rusiya neftindən («Urals» brendi ilə satılır) təqribən 10-12 dollar baha olur.
