Rusiya Federasiyası Təhlükəsizlik Şurasının sədr müavini Dmitri Medvedev Avropa bazarında qazın qiymətinin cari artımı ilə 2022-ci ilin sonuna qədər 5000 avroya çata biləcəyini gözləyir.
Eləcə də bax: Makrondan fransızlara xəbərdarlıq:“Bolluq” və “qayğısız günlər”in sonudur
FED.az xəbər verir ki, o, bu fikri bazar günü özünün Telegram kanalında bildirib.
"Avropa İttifaqının dövlət və hökumət başçıları. Qazın qiymətinin min kubmetr üçün 3500 avroya qalxması ilə əlaqədar mən 2022-ci ilin sonuna qədər proqnoz qiymətini 5000 avroya qaldırmalıyam", - Medvedev yazıb.
Təhlükəsizlik Şurasının sədr müavini postunu rəssam Vasya Lojkinin tablosu ilə təsvir edib.
“Şimal axını 2” boru kəmərinin sertifikatlaşdırılması dayandırıldıqdan sonra Medvedev Avropada qazın qiymətinin min kubmetr üçün 2000 avroya çatacağını proqnozlaşdırmışdı. Avqustun 22-də Avropada birja qiymətləri qazın min kubmetri üçün 2,8 min avro civarında olanda Rusiya Federasiyası Təhlükəsizlik Şurasının sədr müavini qiymətin 3-4 min avroya və ya daha çox yüksələ biləcəyini bildirmişdi. (Marja)
