Fransada yaşanan enerji böhranı səbəbindən birjada odun şirkətlərinin səhmləri sürətlə bahalaşıb. Artım 700 faiz təşkil edib.
Eləcə də bax: Makrondan fransızlara xəbərdarlıq:“Bolluq” və “qayğısız günlər”in sonudur
FED.az xəbər verir ki, paralel olaaq odunla işləyən sobaların satışları 41%, qazanxanaların satışları 120 faiz artıb.
Fransada enerji qiymətlərinin artması ilə əlaqədar olaraq, əhalinin mişar yonqarına yönəlməsi ilə birjada odun satan şirkətlərin səhmləri sürətlə yüksəlməyə başlayıb.
Fransanın BFMTV kanalının xəbərinə görə, qarşıdan gələn qış öncəsi qaz və işığın bahalaşması vətəndaşları alternativ yanacağa sövq edib.
Ukrayna-Rusiya müharibəsi və Rusiyanın Avropaya təbii qaz axınını məhdudlaşdırması səbəbindən Fransada elektrik enerjisi və təbii qaz qiymətləri yüksəldiyi halda, camaat daha az xərc olduğunu əsas gətirərək odun və ondan hazırlanan yanacaqlara üz tutub.
Yonqar sobalarına tələbat artıb
2020-2021-ci illər arasında çip sobası satışları 41 faiz, çip qazan satışları isə 120 faiz artıb. Tələbatın artması ilə yonqar qiymətləri ton başına 300-400 avro arasında artıb. Fransa Yanar Materiallar, Yanacaq və İstilik Federasiyası bu yaxınlarda ölkədə yanacaq kimi ağac yonqarlarına tələbatın yüksək olduğunu açıqlayıb. Enerji qıtlığı qorxusu istehlakçıların qışdan əvvəl odun ehtiyatı saxlamasına səbəb olub.
Digər tərəfdən, Fransa mətbuatı Rusiyanın qazı kəsəcəyi və enerji qıtlığı səbəbiylə ölkədə saatlıq/meqavat əsasında elektrik enerjisinin göstərici qiymətinin 2023-cü ildən etibarən tarixi rekordu qıraraq 1075 avroya çatacağını yazıb.
