Avstraliyada işçilərin tətilləri iri mayeləşdirilmiş təbii qaz (LNG) zavodlarının fəaliyyətini dayandırarsa, dünya bazarı 50 milyard kubmetr qaz itirə və birja qiymətləri min kubmetr üçün 1000 dollardan yuxarı qayıda bilər.
“S&P”: Azərbaycan iyulda OPEC+ kvotasından 184 min barel - GERİ QALIB
FED.az xəbər veriir ki, bu barədə bir sıra ekspertlər bildirir.
Çərşənbə günü Londonun ICE birjasında təbii qaz kotirovkaları iyunun 21-dən bəri ilk dəfə olaraq min kubmetr üçün 450 dollar həddini keçib və ticarət zamanı 40% bahalaşaraq 500 dolları da görüb. Bu, ötən ilin avqust ayının birinci yarısı ilə müqayisədə dörd dəfə aşağı, lakin 2017-2021-ci illərin avqust ayında orta göstəricidən iki dəfə yüksəkdir.
ABŞ-dan sonra dünyanın ikinci ən böyük LNG ixracatçısı olan Avstraliyadakı Woodside və Chevron-un mayeləşdirmə zavodlarında tətil təhlükəsi səbəbindən qiymətlər artıb. Bu, qlobal mayeləşdirilmiş qaz ixracının təxminən 10%-ni poza bilər. Qərb mediası yazır ki, Chevron və Woodside tətillərin qarşısını almaq üçün həmkarlar ittifaqları ilə danışıqlar aparır.
"Əgər tətillər nəticəsində Chevron və Woodside şirkətlərinin Avstraliya aktivləri həqiqətən fəaliyyətini dayandırarsa, qlobal bazar illik ifadədə təqribən 50 milyard kubmetr təbii qaz itirə bilər. Eyni zamanda, təbii qazın bazarlarda kotirovkaların yüksəldiyi müşahidə olunur. Avropa və Asiya, şübhəsiz ki, əhəmiyyətli artım nümayiş etdirəcək və yüksək ehtimalla 2022-ci ildə müşahidə olunan rekord səviyyələrə - 1000 dollardan yuxarı səviyyəyə qayıda bilər”, - "Implementa" şirkətinin baş məsləhətçisi İvan Timoni deyib.
Əvvəllər də Avstraliyada tətillər olub. Məsələn, Shell Pluto LNG zavodunda keçən yay iki aydan çox - 76 gün çəkib. Ekspert qeyd edib ki, əvvəlki təcrübəni nəzərə alaraq, Avstraliya zavodlarında tətil təqribən iki-üç ay davam edə və bu ilin sonuna qədər bitə bilər ki, bu da qiymətlərin normallaşmasına gətirib çıxaracaq. (Marja)
