ABŞ Energetika Nazirliyi 2023-cü ildə Brent markalı neftin qiyməti ilə bağlı proqnozunu əvvəlki proqnozdakı 85,01 dollardan 78,65 dollar/barelə qədər azaldıb.
Azərbaycanda neft hasilatı illik müqayisədə 8% azalıb - Bu, ixraca da təsir edir
FED.az xəbər verir ki, Agentlik həmçinin 2023-cü ilin üçüncü rübü ilə 2024-cü ilin birinci rübü arasında neftə tələbatın artması fonunda Brent markalı neftin 75-80 dollar/barel diapazonunda olacağını gözləyir. Ümumilikdə, 2024-cü ildə nazirlik neftin orta hesabla bir barel üçün 74,47 dollara enəcəyini proqnozlaşdırır.
ABŞ Energetika Nazirliyinin məlumatına görə, neft kotirovkaları hazırda zəifləyən qlobal iqtisadi şərait, qlobal bank sektoru ətrafında qəbul edilən risklər və daimi inflyasiya səbəbindən təzyiq altındadır. Agentliyin məlumatına görə, bu amillər bir sıra OPEC+ ölkələrinin ilin sonuna qədər hasilatı azaltmaq qərarı ilə təhrik edilən neftin qiymətinin artımını “üstələyib”.
WTI markalı xam neftin qiyməti isə 2023-cü ildə 73,62 dollar/barel, 2024-cü ildə isə 69,47 dollar/barel səviyyəsində proqnozlaşdırılır.
