Avropada yeraltı anbarlarda (UGS) qaz ehtiyatları 68 milyard kubmetrdən aşağı düşüb.
"Avropanın enerji təhlükəsizliyində Azərbaycanın rolu daha da artacaq"
FED.az Qaz İnfrastruktur Avropanın (GIE) məlumatına istinadən xəbər verir ki, fevralın 25-də Avropa İttifaqı (Aİ) ölkələrindəki UGS obyektlərindən qazın çıxarılması günlük 284 milyon kubmetr təşkil edib. Eyni zamanda, vurulma 47 milyon kubmetrə bərabər olub.
Avropada istilik mövsümü noyabrın 14-də başlayıb və həmin andan Aİ ölkələri anbarlardan 41,12 milyard kubmetr götürüb.
İndi Avropadakı UGS obyektləri 62,45% (son beş ildə bu tarix üçün orta göstəricidən 21,59 faiz bəndi çoxdur) doludur, anbarlarda 67,8 milyard kubmetr var.
Avropada cari həftənin əvvəlki ilə müqayisədə daha soyuq olacağı proqnozlaşdırılır ki, bu da anbarlardan qaz çəkilişinin artmasına səbəb ola bilər. (Marja)
