Azərbaycan yaxın vaxtlarda “Latvijas gaze” şirkətinin səhmdarlarından biri ola bilər. Bunu Avropa Parlamentinin deputatı Andris Ameriks (Sosialistlərin və Demokratların Mütərəqqi Alyansı) deyib.
İtaliyaya qazın 60%-ni Azərbaycan verir – Rusiyanın satışı 100 dəfə azalıb
“Azərbaycanın artıq yaxın vaxtlarda “Latvijas gaze”nin səhmdarlarından biri ola biləcəyi istisna olunmur. Bu istiqamətdə iş aparılır və yaxın gələcəkdə maraqlı xəbərlər ola bilər”, - deyə “Baltijas Balss” nəşri deputata istinadən qeyd edir.
FED.az xəbər verir ki, o bildirib ki, mövcud geosiyasi şəraitdə Azərbaycan Avropa İttifaqı üçün ciddi tərəfdaş ola bilər: “Bu ölkə enerji problemlərini həll etməkdə bizə kömək edəcək”.
“Artıq Azərbaycan Bolqarıstan və Yunanıstanı təbii qazla təmin edir, İtaliyanın tələbatının 60%-i Azərbaycan qazı hesabına təmin edilir. Bu, son hədd deyil”, – deyə Ameriks vurğulayıb.
“Latvijas gaze” şirkətinin ən iri səhmdarları “Qazprom” (34%), “Marguerite Gas II.S.a.r.l.” fondu (28,97%), “Uniper Ruhrgas International GmbH” (18,26%) və “Itera Latvija”dır (16%). (İnterfaks-Azərbaycan)
