Banner

Dövlət

Dövlət qulluğuna qəbulda - YENİLİK

Dövlət qulluğuna qəbulda - YENİLİK | FED.az
17:56 12 İyun 2020

Xüsusi karantin rejimi nəzərə alınaraq, dövlət qulluğuna qəbulla bağlı müsahibələrdə insanların bir-biri ilə ünsiyyətini minimuma endirmək məqsədilə martın 18-dən təxirə salınmış müsahibələrin onlayn qaydada təşkili nəzərdə tutulub. 

Dövlət İmtahan Mərkəzindən (DİM) FED.az-a bildirilib ki, namizədlər onlayn müsahibələrə xüsusi proqram təminatı vasitəsilə DİM-in müvafiq inzibati binalarından qoşulacaqlar.

Dövlət qulluqçularının - BAŞQA QOHUMLARI DA YOXLANACAQ – YENİ QƏRAR

17.09.2019 və 13.01.2020-ci il tarixli müsabiqənin müsahibəsi elanları üzrə müsahibələri təxirə salınmış namizədlər iyunun 12-dən başlayaraq iyunun 21-i saat 18:00-dək Mərkəzin internet portalından https://eservices.dim.gov.az/dqq/Elan/OnlineMsh linkinə daxil olmaqla müsahibələrin təşkili üçün DİM-in onlara uyğun olan müvafiq regional bölməsini seçməlidirlər. Namizədlərlə onlayn müsahibələr onların seçdiyi regional bölmədə təşkil ediləcək. Müsahibələrin keçirilmə qrafiki 5 gün əvvəl Mərkəzin internet portalında yerləşdiriləcək.

Müsahibələrin onlayn qaydada təşkili ilə bağlı “Təlimat” hazırlanıb. Təlimata uyğun olaraq namizədlər müsahibəyə gələrkən şəxsi gigiyena, eləcə də tibbi-profilaktik qaydalara əməl etməli, müsahibə binasına tibbi maska ilə gəlməli, əllərini girişdə yerləşdirilmiş tibbi spirt və ya dezinfeksiyaedici vasitə ilə təmizləməli, buraxılış rejimi zamanı digər namizədlərlə 2 metrlik məsafə saxlamalıdırlar.

Məsafədən ölçə bilən termometrlə namizədlərin bədən hərarəti yoxlanıldıqdan sonra onlar müsahibəyə buraxılırlar. Namizədlərin temperaturu 37°C və daha yüksək olduqda, həmçinin normal bədən temperaturunda tənəffüs yollarının kəskin infeksiyası simptomlarının mövcudluğu halında onlar müsahibəyə gəlməməlidirlər. Qeyd edilən hallar olduqda namizədlərlə keçiriləcək müsahibələr təxirə salınır.

Namizədlər əlavə məlumat əldə etmək üçün (012) 431 63 86 (daxili 120, 117) nömrəsi ilə əlaqə saxlaya və ya [email protected] elektron poçt ünvanına yaza bilərlər.

Digər xəbərlər

Banner