Xudayət Həsənli Əqli Mülkiyyət Agentliyinin Aparat rəhbəri vəzifəsinə təyin edilib.
Eləcə də bax: “PASHA Holding”in törəməsində - TƏYİNAT
FED.az xəbər verir ki, Agentliyin strukturunda yeni kadr təyinatları olub.
Belə ki, Natiq İsayev dövlət qulluğunda çalışmanın son yaş həddinə çatdığına görə Agentliyin Aparat rəhbəri vəzifəsindən könüllü pensiyaya çıxıb və onun yerinə Xudayət Həsənli təyin olunub.
X.Həsənli daha əvvəl Agentliyin tabeliyində olan Patent və Əmtəə Nişanlarının Ekspertizası Mərkəzinin direktoru vəzifəsində çalışıb. Hazırda həmin mərkəzin direktoru vəzifəsini müvəqqəti olaraq direktor müavini Anar Hüseynov icra edir.
Bundan əlavə, Agentliyin Əqli mülkiyyətin təhlili və siyasəti şöbəsinin müdiri Rüstəm Ağayev də dövlət qulluğunda çalışmanın son yaş həddinə çatdığına görə könüllü pensiyaya çıxıb.
Onun yerinə Rəcəf Orucov təyin olunub.
Yeni təyinatlarla bağlı məlumat Agentlikdən təsdiq edilib. (Report)
