Dekabrın 3-də, Baş Nazir Əli Əsədovun Sərəncamı ilə Ələsgər Ələsgərov Baş Nazirin Katibliyinin rəisi vəzifəsinə təyin edilib.
FED.az xəbər verir ki, Ə.Ələsgərov 2019-cu ilin oktyabrın 22-dən Baş Nazirin köməkçisi vəzifəsində çalışırdı.
Eləcə də bax: Dövlət Neft Fondunun yeni icraçı direktoru kimdir? - TƏRCÜMEYİ-HAL
O, 2005-2009-cu illərdə Azərbaycan Dövlət İqtisad Universitetində Beynəlxalq iqtisadi münasibətlər, 2010-2014-cü illərdə Bakı Dövlət Universitetində hüquqşünaslıq, 2016-2019-cu illərdə Azərbaycan Respublikası Prezidenti Yanında Dövlət İdarəçiliyi Akademiyasında Dövlət Qulluğunun Təşkili və İdarəedilməsi ixtisasları üzrə təhsil alıb.
2013-cü ilədək müxtəlif dövlət orqanlarında çalışıb. 2013-cü ildən isə Azərbaycan Respublikası Prezident Administrasiyasında Prezidentin iqtisadi məsələlər üzrə köməkçisinin xidmətində müxtəlif vəzifələrdə çalışıb.
