"Qlobal qiymət artımı fonunda dövlətimizin antiinflyasiya tədbirlərinə dəstək olaraq, biz də qiymət artımı ilə öz imkanlarımız daxilində mübarizə aparırıq. Səmimi olaraq sizə deyim ki, qiymətlərin artmasının heç kimə, hətta marketlərə belə faydası yoxdur".
Eləcə də bax: BVF: İmkan verin - QİYMƏTLƏR QALXSIN
FED.az xəbər verir ki, bunu, Veysəloğlu Şirkətlər Qrupunun Müşahidə Şurasının üzvü və “OBA” marketlər şəbəkəsinin rəhbəri Vüsal Şərifov bildirib.
O qeyd edib ki, qiymətin artması alıcı səbətinin kiçilməsi deməkdir: "Biz mağazalarımızda öz məhsullarımız olan və bahalı olmayan brendləri müştərilərimizə təqdim edirik. Bununla da məhsullarımızı mümkün olan aşağı qiymətə təklif etməyə çalışırıq".
Vüsal Şərifov əlavə edib ki, bu yaxınlarda “Şəmkir Aqroparkı”nda Veysəloğlu Şirkətlər Qrupu üçün xüsusi məhsul qəbulu məntəqəsi yaradılıb. Artıq həmin regiondakı kəndlinin məhsulunu satmaq üçün vaxt və pul sərf edərək Bakıya gəlməsinə ehtiyac yoxdur, onu Şəmkir ərazisində bizə təqdim edə bilir:
"Xüsusilə vurğulayım ki, soğan, kartof, sarımsaq, kök, kələm, çuğundur və alma növləri üzrə məhsulların birbaşa kəndlidən alışı həyata keçirildiyi üçün istehlakçılar qiymət və yerli dad meyarı üzrə bu fərqi anlaya bilərlər. Həmçinin məhsula olan ehtiyacımızı əvvəlcədən fermerlərə bildirməklə onlara planlama ilə bağlı köməklik göstərir, sadə şərtlərlə əməkdaşlıq əlaqəsi qurmaqla kiçik və orta təsərrüfat subyektlərinə dəstək olmağa çalışırıq". (Marja)
