2022-2026-cı illəri əhatə edən Strateji Plana uyğun olaraq Azərbaycanda kiçik və orta biznes (KOB) subyektlərinin ümumi daxili məhsulda (ÜDM) payı 60 %-ə çatacaq.
Eləcə də bax: İş adamlarının investisiya layihələrinin qəbulu başlandı - İNVESTORLARA VERİLƏCƏK
FED.az xəbər verir ki, bunu iqtisadiyyat naziri Mikayıl Cabbarov Bakıda keçirilən Avropa İttifaqı (Aİ) - Azərbaycan biznes forumunda bildirib.
Bundan başqa, onun sözlərinə görə, yaxın 4 ildə Azərbaycanda KOB subyektlərinin məşğulluqda payı 70 %, qeyri neft ixracında payı isə 40 % olacaq.
"Bu il Azərbaycanın xarici ticarətində rekord göstərici gözlənilir və buna Aİ ölkələri xüsusi töhfəsi verəcək. Son 10 ildə Aİ-nin 700-dən çox şirkətindən Azərbaycana birbaşa xarici investisiyaların məbləği 20 milyarddan avrodan çox olub", - deyə o, qeyd edib. (Report)
