Amazon bu həftə yeni bir rəqib olaraq "Amazon Haul" adlanan onlayn mağazasını təqdim etdi.
“Amazon”un vitse-prezidenti: "Amazon müştərisi az olan gənc bizneslərə milyonlarla müştəriyə çıxış imkanı verir"
FED.az xəbər verir ki, yeni platforma Shein və Temu kimi ucuz qiymət təklif edən sürətli moda markaları ilə rəqabət aparmaq məqsədi daşıyır. "Amazon Haul"da ev əşyaları, geyim və elektronika kimi müxtəlif məhsullar əsasən 20 dollardan ucuz qiymətlərlə, bir çox məhsul isə 10 dollardan aşağı qiymətlərlə təklif olunur. Lakin Amazonun sürətli çatdırma təkliflərindən fərqli olaraq, "Amazon Haul" məhsulları Çindəki anbardan birbaşa göndərildiyindən, çatdırılma 1-2 həftə vaxt apara bilər.
Amazon, bu platformadakı məhsulların təhlükəsiz və uyğun standartlara cavab verdiyini bildirsə də, 3 dollardan ucuz məhsullar üçün geri qaytarma mümkün deyil. TikTok Shop kimi platformaların da daxil olduğu bu bazarda Amazonun rəqabətini gücləndirmək məqsədilə atılan bu addım, ABŞ-da populyarlığını artırmaqda olan Shein və Temu ilə rəqabəti də gücləndirir.
