Banner

Biznes

"PAŞA Holdinq"in rəhbərliyinə - YENİ TƏYİNAT

"PAŞA Holdinq"in rəhbərliyinə - YENİ TƏYİNAT | FED.az
10:10 17 Dek 2019

2020-ci ilin yanvar ayından etibarən “PAŞA Holding” MMC-nin direktorunun birinci müavini Cəlal Qasımov Şirkətin Baş İcraçı Direktoru vəzifəsinə təyin olunacaq.

FED.az xəbər verir ki, bu barədə "Marja"ya “PAŞA Holding”dən bildirilib.

Eləcə də bax: “PAŞA Holdinq”dən “Sumqayıt Texnologiyalar Parkı”nın rəhbərliyinə - TƏYİNATLAR

Mir Camal Paşayev isə öz növbəsində şirkətin idarəetməsini, korporativ idarəetmə islahatları nəticəsində yaradılacaq Holdinqin Direktorlar Şurasının üzvü kimi fəaliyyətini davam etdirəcək.

"Yeni vəzifəsini yerinə yetirərkən, o, ilk növbədə strateji biznes və insan kapitalının inkişafı məsələlərinə diqqət yönəldəcək. Qeyd edək ki, sözügedən qərar, üzərində artıq iki ildən çox işlənilən “Liderlərin inkişafı və davamlılıq proqramı” nəticəsində Holdinq tərəfindən qəbul edilib",- Holdinqin məlumatında deyilir.

Eləcə də bax: SOCAR-da yeni - TƏYİNAT

Məlumat üçün bildirək ki, Cəlal Qasımov PAŞA Holdinqdə karyerasını 2015-ci ildə Bank Qrupunun rəhbəri və direktorun müavini vəzifələrində başlayıb və 17 oktyabr 2016-cı il tarixində direktorun birinci müavini vəzifəsinə təyin edilib. Cəlal Qasımov Warwick Universitetinin Biznes Məktəbindən MBA dərəcəsinə sahibdir.

Eləcə də bax: Azərbaycan holdinqlərini tanıyaq - "CAHAN HOLDİNQ"

PAŞA Holdinqə qoşulmazdan öncə o, Azərbaycanın bir neçə aparıcı şirkətlərində rəhbər vəzifələrdə çalışıb ki, bura iki yerli bankda baş icraçı direktor vəzifəsi də daxildir. O, həmçinin dünyanın qabaqcıl peşəkar məsləhətçi şirkətində iş təcrübəsinə malikdir.

Digər xəbərlər

Banner