Biznes

Özəl klinikalar üçün mühüm yenilik - 5 İLDƏN BİR YOXLAMA GƏLİR

Özəl klinikalar üçün mühüm yenilik - 5 İLDƏN BİR YOXLAMA GƏLİR | FED.az
10:37 15 İyun 2019

Azərbaycanda tibb müəssisələrinin 5 ildən bir akkreditasiyadan keçiriməsi iə bağlı "Əhalinin sağlamlığının qorunması haqqında" qanuna əlavələr təklif edilir.
FED.az xəbər verir ki, Milli Məclisin növbədənkənar plenar iclasında müzakirəyə çıxarılan əlavəyə əsasən, akkreditasiyadan keçən tibb müəssisələrinə şəhadətnamə veriləcək.
Eləcə də bax: İcbari tibbi sığortaya qoşulacaq - KLİNİKALARLA BAĞLI – YENİ QƏRAR


Tibb müəssisələrinin akkreditasiyası əhaliyə göstərilən tibbi xidmətin keyfiyyətinin, tibb müəssisələrinin fəaliyyətinin hüquqi tələblərə uyğunluğunun müəyyən edilməsi üçün aparılacaq.
Eyni zamanda, bu yolla əhalinin yüksək keyfiyyətli xidmət göstərən tibb müəssisəsi tərəfindən müayinə və müalicə olunması üçün seçim hüququ təmin ediləcək. Tibb müəssisələrinin akkreditasiyası qaydasını müvafiq icra hakimiyyəti orqanının müəyyən etdiyi orqan (qurum) təsdiq edir.

Tibb müəssisələrinin akkreditasiyasını müvafiq icra hakimiyyəti orqanının müəyyən etidiyi orqan (qurum) həyata keçirir. Tibb müəssisələrinin akkreditasiyasına görə "Dövlət rüsumu haqqında" qanunla müəyyən edilmiş məbləğdə rüsum tutulur. Dəyişiklik səsverməyə çıxarılaraq ikinci oxunuşda qəbul edilib.

Digər xəbərlər